Kúreki norðursins: Kvikmyndaskáldið Friðrik Þór Friðriksson

3/5 ( ratings)

Friðrik Þór Friðriksson er einn merkasti kvikmyndagerðarmaður Íslendinga og einn fárra íslenskra listamanna sem hlotið hefur alþjóðalega viðurkenningu. Þrátt fyrir þetta hefur lítið sem ekkert birst um list hans á prenti. Í bók þessari er leitast við að gefa sem fjölbreytilegasta mynd af kvikmyndum þessa frægasta kvikmyndaleikstjóra Íslendinga. Tilraunamyndir hans og heimildarmyndirnar Eldsmiðurinn og Rokk í Reykjavík eru skoðaðar og rýnt í leiknar kvikmyndir hans út frá ýmsum ólíkum fræðilegum forsendum, s.s. höfundarfræðilegum, viðtökum, menningarfræði og kenningnum um aðlaganir.
Greinar í bókinni og höfundar þeirra eru:
Myndsmiðurinn: Kvikmyndir Friðriks Þórs Friðrikssonar; höf. Guðni Elísson.
Verkin dæmd: Viðtökur kvikmynda Friðriks Þórs Friðrikssonar; höf. Hákon Gunnarsson.
Sjón er sögu ríkari: Um tilraunamyndir Friðriks Þórs Friðrikssonar; höf. Benedikt Hjartarson.
Breyttir tímar: Rokk í Reykjavík og íslensk pönkmenning; höf. Björn Þór Vilhjálmsson.
„Excuse me. Do you speak English“: Höfundarverk Friðriks Þórs Friðrikssonar og alþjóðlega-slagsíðan í íslenskri kvikmyndasögu; höf. Björn Ægir Norðfjörð.
„Djöflaeyjan ... vekur allt liðið úr Thulekampinum upp til nýs lífs ... “ ; höf. Eggert Þór Bernharðsson.
Farandskuggar á tjaldi: Kvikmyndun Engla alheimsins ; höf. Guðni Elísson.
Með snjóbolt í báðum – Kúreki norðursins í þrjátíu ár: Rætt við Friðrik Þór Friðriksson; höf. Guðni Elísson og Björn Þór Vilhjálmsson.
Bókin er hluti af nýrri ritröð í kvikmyndafræðum sem ber nafnið Sjöunda listgreinin, ritstjóri er Guðni Elísson.