Bókin er öðrum þræði greining á máli Þriðja ríkisins en hinum þræði saga gyðingsins Klemperers og þeirra sem á vegi hans verða meðan nasistar fara með völd í Þýskalandi. Hún er að sögn hans sjálfs hugsuð sem vísinda- og uppeldisrit. Hún byggir að verulegu leyti á dagbókum hans frá árunum 1933 – 45 en dagbækur hélt hann frá því hann var 16 ára og þar til heilsa hans brast. Í LTD sníður Klemperer dagbókarefnið til og umsemur, gerir athugasemdir við það og fellir í umgjörð sem honum þykir hæfa. Sjálfar dagbækurnar komu hins vegar ekki fyrir almannasjónir fyrr en eftir fall múrsins á tíunda áratug síðustu aldar. Með þeim skipaði Klemperer sér í hóp þekktustu höfunda þýskra, bæði heima og erlendis, enda eru þær einstakt heimildarit um sögu Þýskalands á 20. öld.
Bókin er öðrum þræði greining á máli Þriðja ríkisins en hinum þræði saga gyðingsins Klemperers og þeirra sem á vegi hans verða meðan nasistar fara með völd í Þýskalandi. Hún er að sögn hans sjálfs hugsuð sem vísinda- og uppeldisrit. Hún byggir að verulegu leyti á dagbókum hans frá árunum 1933 – 45 en dagbækur hélt hann frá því hann var 16 ára og þar til heilsa hans brast. Í LTD sníður Klemperer dagbókarefnið til og umsemur, gerir athugasemdir við það og fellir í umgjörð sem honum þykir hæfa. Sjálfar dagbækurnar komu hins vegar ekki fyrir almannasjónir fyrr en eftir fall múrsins á tíunda áratug síðustu aldar. Með þeim skipaði Klemperer sér í hóp þekktustu höfunda þýskra, bæði heima og erlendis, enda eru þær einstakt heimildarit um sögu Þýskalands á 20. öld.