Fi, A Mr Huws: Nofel addas ar gyfer dysgwyr (ond nid i ddysgwyr un unig)

3.6/5 ( ratings)

Dyma nofel wedi ei hanelu'n bennaf at ddysgwyr, gyda iaith addas a rhestr o eirfa perthnasol yn y cefn. Mae unig fab Ben a Lena wedi gadael am y brifysgol am y tro cyntaf ac mae hynny'n gosod straen ar eu perthynas ac yn codi cwestiynau am eu dyfodol. Mae amheuon yn codi ac mae cyfrinachau'n dod i'r amlwg.

Adolygiadau

Stori gynnes, ddiddorol. Ro’n i’n methu aros i ddarllen ymlaen. - Maggie Smith

Yn mwynhau’r nofel! Mae’r geirfa ar waelod bob tudalen yn ddefnyddiol iawn. Mae darllen yn gymorth i mi nid dim ond gyda dysgu darllen yn Gymraeg ond gyda bywyd pob dydd... - Emma Chappell, Dysgwr y Flwyddyn 2017., BBC Radio Cymru

Mae'n bleser bod y nofel hon ar gyfer dysgwyr, ond y gwir glyfrwch yma yw bod hynny bron yn eilradd i stori werth chweil, lawn cymeriadau mor agos atoch. O fewn ychydig funudau o ddechrau darllen, mae'r darllenydd yn teimlo fel cymydog i Lena, yn sbecian dros glawdd yr ardd! Yn llawn deialog hwyliog a chwim yn iaith lafar y gogledd, brawddegau cynnil sy'n cyffwrdd ag anghenion dysgwyr a geirfa ddefnyddiol ar waelod bob tudalen, a hyd yn oed yn cynnwys iaith negeseuon testun, mae hon wedi ei sgwennu'n graff ac yn bell o fod wedi ei hanelu at ddysgwyr yn unig, sydd yn rhywbeth i'w ganmol. Does dim iaith ffurfiol na phatrymau chwithig ar ei chyfyl, ac mewn ffordd mae hi'n nofel i’w darllen ar lefel is na lefel Uwch gan ddarllenwyr/ddysgwyr brwd a hyderus.Mae'r penodau byrion yn help mawr i'w darllen mewn pytiau. Cofiwch, does dim rhaid deall pob gair i fwynhau nofel dda!Dyma nofel i bawb, a gorau oll os ydi'r ci yn gwmni wrth i chi ei darllen! - Llinos Griffin, Gwales