Տաք գետը

3.2/5 ( ratings)

Էլեկտրոնային գիրքն անվճար ներբեռնել ԱՅՍՏԵՂ։
Ամերիկացի արձակագիր Էրսկին Քոլդուելի պատմվածքները ամերիկյան գրականության ռեալիստական ուղղության լավագույն նմուշներից են։ Ծնվել է Քոուեթում , կրոնավորի ընտանիքում։ Սովորել է Վիրջինիայի համալսարանում։ Գրական գործունեությունը սկսել է 1929-1933 թթ. տնտեսական ճգնաժամի շրջանում։ Առաջին վեպը լույս է տեսել 1932թ.։ Քոլդուելը 20-րդ դարի ամերիկացի հինգ նշանավոր գրողներից է ։ Հանրահայտ են նրա «Աստծո մի ակր հողը» , «Ամերիկյան հող» , «Մենք կենդանի ենք» , «Ծագող արևի առաջ ծնկաչոք» , «Ջեննի», «Տունը բարձունքում» , «Կանայք և տղամարդիկ» , «Ամառվա վերջին գիշերը» և այլն։
Հրատարակությունում ներառված պատմվածքներից չորսը անգլերենից Պերճ Զեյթունցյանի թարգմանությամբ հայերենով առաջին անգամ լույս են տեսել «Հայպետհրատի» «Լավագույն պատմվածքի մատենաշարում»՝ Տաք գետը: [Պատմվածքներ] / Է. Քոլդուել; Թարգմ. անգլ.՝ Պ. Զեյթունցյան; Խմբ.՝ Հ.Մ. Կարապետյան.— Երևան: Հայպետհրատ, 1962.— 43 էջ; 16 սմ։ Պատմվածքներից երկուսը արտատպվում են՝ XX դարի արտասահմանյան արձակ / Կազմ. և կենսագր. գրեց՝ Ա. Ռ. Խաչատրյան; Առաջաբ. և ծանոթագր.՝ Ս. Ե. Փանոսյան.— Երևան։ ԵՊՀ հրատ., 1984.— Հ. 1; 20 սմ հրատարակությունից։